ازاى تكون مرتاح البال

ازاى تكون مرتاح البال وانت فى فترة التدريب او بعد الحصول على الوظيفة
اولا : لا تقلق من انك مش عارف حاجة ,صاحب العمل اما عارف انك لسه متخرج وابيض وعارف ان فى فراغ بين التعليم والوظيفة او عارف انك لسه عضمه طرية ومحتاجة صقل وحتى لو كنت خبرة قبل كده فى مكان تانى فمديرك برده عارف انك محتاج وقت عشان تتأقلم على طبيعة الشغل الجديد , فلا تتحرج من أن تسأل ولا تغضب اذا كان مديرك لا يستطيع دائما ان يجيب على كل اسئلتك او ان يشرح باستفاضة اما اذا كان مديرك لا يقدر كل ما سبق فيمكنك اعتباره وغد وتتصرف على هذا الاساس يعنى برده ماتزعلش منه وتحاول تفهمه وتعرف مفتاحه خصوصا لو كان مديرك شايف انك مصدر خطر عليه ومش عايز يعلمك اى حاجة

ثانيا : ارض بما قسم لك وحاول تحسن من وضعك ,كتير مننا لما بيروح مكان بيبقى اما موافق على الوظيفة مبدأيا لانه مش لاقى غيرها او انه موافق على الوظيفة بالمرتب ده اذا لو اشتغلت ولقيت حد فى نفس موقعك او فى موقع اعلى منك وبياخد مرتب بفرق شاسع ارض برضه بمرتبك وحاول تثبت نفسك واطلب زيادة مسببة وقدمها رسمى ,لا تحقد على احد وتذكر انك انت اللى وافقت بالاساس وعليك الصبر لحد ماتحصل على زيادة او تلاقى فرصة احسن
تذكر ايضا ان الوظيفة بتعتمد على مدى خطورتها ,يعنى ممكن تلاقى مديرك مرتبه ضعف مرتبك كذا مرة وده مقابل المسؤوليات اللى بتقع على عاتقه فى حالة الفشل او اللوم اللى بيتعرض ليه فى حالة حدوث خطأ ايضا تذكر ان الموظفين ذو المرتبات العالية هم اول من يتم الاستغناء عنهم عند تقليل النفقات لذلك فقد يكونوا يحصلون على مرتب اعلى ولكن لا يوجد امان وظيفى والوظيفة قصيرة العمر بينما انت فى امان نوعا ما ,ايضا تذكر ان الوظيفة قد تحتاج هندام معين يتطلب نفقات اكثر او حتى اجبار لصاحب الوظيفة على مظهر معين فمثلا قد تكون انت فى حرية لمظهرك لا تتوافر لمديرك ,ايضا قد تكون انت تقوم بمجهود اكثر ولكن الناتج اقل من المجهود القليل لمديرك ولكن الناتج الكثير ,فمثلا قد تكون انت تقوم باعداد المعرض والاتصال بالعملاء ولكن اتمام الصفقة والتفاوض بشأنها وتحديد نسبة ربح الشركة بيد المدير فيكون العائد الاشد من ناحية المدير اما اذا كان المرتب لا يخضع للعقل بأى وجه من الاوجه فالافضل ان تريح نفسك وتصبر حتى تجد وظيفة افضل وتريح اعصابك فما من فائدة من ان تثير اعصابك بسبب وضع لا يمكنك تغييره

هناك استكمال للموضوع حتى لا اطيل عليكم

حول أحمد حسان
Senior IT Specialist @ German Hospital of Alexandria ,Co-Developed Medxpress ,Hospital ERP system ,Microsoft Certified Solution Developer

2 Responses to ازاى تكون مرتاح البال

  1. م.براء says:

    جميلة هي مدونتك يا احمد 🙂 اكتشفتها اليوم و ساتابعك باذن الله

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: