حتى لا تنتهى السيرة الذاتية فى سلة القمامة

حتى لا تنتهى السيرة الذاتية فى سلة القمامة اشياء يجب أن تفهمها قبل أن تدعى انك قدمت فى كل مكان
قد لا يعى الكثير منا انه غالبا لا تصل السيرة الذاتية للشخص المناسب وتجد كثير يشتكى انه قدم السى فى فى كل مكان ومع ذلك محدش اتصل ,قد تكون هذه احدى الاسباب :
1 – ينبغى ان تعى جيدا ان التواصل بين الادارات فى الشركات فى مصر غالبا منقطع او على الاقل لن يهتموا بالسى فى بتاعك ,يعنى لو مثلا انت رحت قدمت السى فى فى سكرتارية الادارة وكنت تريد العمل فى الحسابات فغالبا لن يكلف شخص ما نفسه بأن يرسل السى فى للحسابات ليروا ان كانوا يحتاجوا ام لا او على الاقل يلقوا نظرة عليها لذلك حاول ان تقدم السى فى اما فى قسم الموارد البشرية او فى القسم الذى تريد ان تعمل به ,مع وجود شواذ فى هذه القاعدة ان ممكن فعلا حد يكلف نفسه ويبعت السى فى
2-لم اكن اريد ان اذكر هذه النقطة حتى لا اسبب اليأس ولكن هناك تنويه ,مش معنى انك رحت معرض للتوظيف ان فعلا كده السى فى وصلت ,غالبا معارض التوظيف دى مجرد دعاية وبسبب كثرة المتقدمين تحمل السى فى فى اشولة آخر اليوم والتخلص منها فى القمامة وقد اكد لى هذا الامر صديق لى ,ان هذا الامر مجرد دعاية للشركة ,مع وجود شواذ لهذه القاعدة ولكنها قليلة جدا على العموم جرب ولا تعول عليها كثيرا
3- الايميلات بتاعت الشركات الموجودة فى ملفات على الانترنت غالبا لا تعمل (وقد يكون احدكم جرب وارسل ايميل ووصلتله رسالة ان تعذر وصول الرسالة ) لماذا ؟ بسبب انتشار هذه الاميلات تصبح مليئة بالزخام Spam  وقد يضطر هذا الشركة لتجاهلها او الغائها يعنى مش معنى انك بعت انها فعلا وصلت او قرأت
4-تسليم السى فى للسكرتارية اضمن من انك تسلمها لموظف شغال فى القسم ,يعنى تسلمها لسكرتارية القسم اللى انت عايز تشتغل فيه اضمن من انك تديه لواحد شغال فى القسم ده فعلا ,ولو ان تسليمه لشاب يعمل فى القسم قد يسلمه للمدير اما تسليمه لموظف كبير فى السن قد ينتهى به الامر مفروشا للافطار او للفلافل
5-تسليم السى فى للأمن فى الشركة نسبة وصوله 50 % ولازم تقوله يسلمه لقسم ايه والا هينتهى به الحال مفروش للفلافل والبتنجان ,وده طبعا يعتمد على علاقته بالموظفين بتوع القسم ده ,يبقى ماتروحش تقدم السى فى ويقولك سيب السى فى على الباب فى الامن وانت منتظر انه يوصل ,على الاقل خللى بتاع الامن يكتب عليه انت عايز توصله لقسم ايه وخلليه هو يكتب احسن ما انت تكتب ,ده هيديله احساس انه بيساعد فعليا وشخص ليه مهمة فى المكان
6-مجمع  البترول لو قدمت فيه ماتحسبش انك قدمت فى الشركات بنفس العدد اللى انت سلمت فيه السى فى ,عامله زى مابتعامل معارض الوظائف ولو ان نسبت انك فعلا يجيلك منه وظيفة كبيرة جدا مقارنة بمعرض الوظائف وفى ناس كتير قدرها انها تشتغل عن طريقه
7-اغلب الشركات اللى مش بتعلن عن وظائف وركز فى حتة اللى مش بتعلن عن وظائف مش بتفتح الايميلات اصلا عشان تشغل الناس عن طريقها (طبعا دى غير الشركات اللى طالبة وظائف وحاطة ايميل ) يبقى الافضل انك ماتبعتش السى فى على الايميل المنشور على موقع الشركة او فى ملف الشركات ,الافضل تروح بنفسك
8-اى اعلان لشركة طالبة 1000 موظف اركنه وماتبعتش
كفاية كده انا عصرت مخى 🙂

حول أحمد حسان
Senior IT Specialist @ German Hospital of Alexandria ,Co-Developed Medxpress ,Hospital ERP system ,Microsoft Certified Solution Developer

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: