تجربتى السيئة مع شركة سيليكون للكمبيوتر

السلام عليكم ورحمة الله وبركاته ,بداية احب ان اوضح اننى قمت بالتعامل مع شركة سيليكون للكمبيوتر  (موجودة فى الديب مول فى رشدى الدور الخامس ,مسؤول عنها استاذ مصطفى ورقم تليفونه  0124935595)من قبل حيث اشتريت من عندهم جهازين كمبيوتر لاصدقائى ,وهارد خارجى ولم تحدث اى مشكلة من قبل ,حتى فى هاذين الجهازين حتى الآن ,وساعد رخص اسعارهم نسبيا فى اقبالى عليهم ,ولكن قمت مؤخرا بتحديث جهازى حيث اشتريت من عندهم معالج processor  وذاكرة memory  ولوحة رئيسية MainBoard  ومصدر للطاقة PowerSupply وهنا حدثت المشكلة ,اولا الفاتورة لا تحتوى على اسم او رقم تليفون الشركة وليس عليها اى ختم ,وعندما طلبت ان يختمها لى قال لى ستدفع ضريبة مبيعات 10 فى المائة والا فاستلم الفاتورة غير مختومة وبرر ذلك بانه يعمل على برنامج كمبيوتر يخزن به كل البيانات فاخبرته انى مبرمج واعلم انه يمكن التلاعب بقاعدة البيانات عند حدوث اى مشكلة فقال لى انهم شركة محترمة وانهم لن يخاطروا باسمهم ومع الشد والجذب قلت انا مجربهم قبل كده مرتين ومفيش مشكلة حصلت يبقى لا داعى لدفع 10 فى المائة ضريبة وكانت حوالى 200 جنيه زيادة ,قلت انا اولى بهم ,ثم حدثت المشكلة فقد حصلت مشكلة بالباور فجأة وانطفأ الجهاز ولم يعد يعمل وخرجت منه فرقعة ,المهم ذهبت به اليهم ,اراد ان يأخذ منى الفاتورة ليكتب عليها اليوم الذى احضرته فيها ثم عندما طالبته بوصل قال لى انه هيفتكر وانه لا يعطى وصل على الصيانة قلت برده مش مشكلة لكن اصريت انى ماديلهوش الفاتورة ولو انى عارف انها لا تعنى شىء لانها لا يوجد بها اى شىء يدل على انها تابعة لهذه الشركة كما يمكن عمل مثلها على الكمبيوتر فهى ورقة مطبوعة ليس بها اى خط يدوى ,وكانت المشكلة انى اتصلت بهم بعد 3 ايام لاطمئن على الباور فقال لى انى ساستلمه بعد 10 ايام ومرت ال 10 ايام واتصل به ثم قال لى انه يأخذ من 10 ل 14 يوم لان الضمان برة اسكندرية ,وبعد 14 يوم حدثت الثورة ولم استطيع ان استلم الباور غير بعد شهر ,تخيل حضرتك تقعد شهر عشان تستلم باور ,عارف هتقولى انه مش ذنبهم ان الثورة حصلت وتوقف كل شىء ,اقولك ايوه مش ذنبهم ,ولكن المشكلة انهم اتأخروا اسبوعين ,انا كنت بتعامل مع شركة اخرى قديما ولكن اسعارها اعلى شوية من الشركة دى لكن الضمان كان بيتبدل القطعة بقطعة جديدة فى خلال اسبوع مش استنى 30 يوم عشان يصلحلى الباور واستلمه متصلح ,عموما خدمة ما بعد البيع عندهم سيئة جدا حيث لا يجيب احد على التليفون عند الاتصال بهم مرة بعد مرة ,عموما انصح من يريد الشراء الا يتوجه اليهم فهذه شركة غير جديرة بالتعامل معها

حول أحمد حسان
Senior IT Specialist @ German Hospital of Alexandria ,Co-Developed Medxpress ,Hospital ERP system ,Microsoft Certified Solution Developer

4 Responses to تجربتى السيئة مع شركة سيليكون للكمبيوتر

  1. فاعل خير says:

    دا انت قطعت قلبي يا راجل
    اسف يا كذاب
    بصراحة المفروض تحلق ذقنك عشان انت بني ادم كذاب

  2. adminahmed says:

    ممكن تقوللى انا كذاب فى ايه ؟ ايه اللى انا ذكرته كذب ؟

  3. بصراحة الشركة دية محترمة جدا وانا بتعامل معاها من سنين . مش معنى ان حصل مع حضرتك سوء تفاهم يبقى الشركة دية وحشة اتقى الله

    • adminahmed says:

      انا حكيت اللى حصل معايا ,وقلت ان الشركة طالما مفيش مشاكل فى الهارد وير فهى اسعارها ممتازة وانت بتشترى وتمشى ,المشكلة ظهرتلى لما حصل مشكلة فى الهارد وير ,تعتبر خدمة العملاء سيئة وعموما وجهتى النظر موجودتان

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: